DAGUPAN CITY– Akaarap natan ed kason murder so sakey ya 28 anyos ya construction worker kasumpalan ya sinaksak tan apatey toy sarili ton ina kasumpalan dan sinirmunan iya lapud aliwliwan ugali to tan say panuusar to na droga diad Cavite.
Kinabat so biktima ya si Merly De Padua, 59 anyos.
Kinabat met so suspek ya anak na biktima ya si Darwin alias Dagul, 28-anyos, construction worker, sakey ya drug surrenderee tan walay akabinbin ya kaso ton qualified theft.
Onong ed impormasyon akadroga so suspek nen sinmabid abong da kanyan saya so pinanpasnukan na ina to.
Anggapo diad sarili to so suspek tan saya so linmad kusinaan da tan angala na kutsilyo anggad aminpigan sinaksak so ina to.
Nen naantaan na saray kakaabay da so gulon nagagawa diad loob na abong da tan nangel day ikekerew na tulong na biktima , linma rad man iray kakaabay da tan saray opisyal ng barangay tan tampol ya inawit so biktima diad Dr. Rodolfo Poblete Memorial Hospital bangbalet saya so inatey la lapud agamuran tonyan sugat ed laman.
Naaresto met na saray pupulis so suspek tan nalaan ya ed bulsa to na iinapen ya shabu.
