DAGUPAN CITY– Inatey so sakey a construction worker kasumpal ton naplag ed niluganan ton tricycle lapud inpakabuek diad baley na Umingan, Pangasinan.
Kinabat so biktima ya si Geraldine Garcia, trentay singko anyos, residente na barangay Barat ed abitlan baley.
Onong ed imbestigasyon say biktima so akalugan ed tricycle ya mamanehoen nen Erwin Nucasa, trentay uno-anyos, residente met ed abitlan baley.
--Ads--
Nen kasabi da diad ambelonget ya parte na barangay Nancalabasaan ed baley na Umingan, naplag so abuek ya biktima manlapud tricyle ya sengegan na akalaan to na sugat diad ulo tan nanduruman parte laman to.
Inawit da ni diyad ospital balet inatey lanlamang sanen sikatoy tatambalen na aray doktor.
