DAGUPAN CITY– Inatey so sakey ya laki kasumpalan ya pinaltog na apatiran aga kabat ya lalaki diad barangay Malabago, Mangaldan, Pangasinan.
Kinabat so biktima ya si Eddie Nunez, 37 anyos, technician na sakey ya computer shop diad abitlan barangay.
Nanlapud abong da so biktima tan mi-iistoryaan diad paway na computer shop nen pinapaltog na apatiran lalaki ya akalugan diad duwaran motorsiklo.
Ibabagan linmeksab manlapud luluganan iray suspek, saya so tinutukan insan da pinapaltog diad nanduruman parte laman to.
Umpapaway diad initial report na pupulis ya say biktima so sangkot ed kasong illegal possession of ammunition tan suspek met diad bukas kotse.
Kaleganan tonya, diad impituyaw na pulis ed kinen Rogelio Nunez, pangamaen na biktima, maong, malorey tan anggapoy anta ton kakolkol na say kaanakan to tan anggapo met so anta ton iyaamot ya armas na say biktima.
