Code white alert, intagey la diad Region 1 Medical Center

DAGUPAN CITY– Intagey la so code white alert diad Region I Medical Center diad ciudad na Dagupan sakey simba antes ya manpasko.

Diad silong na code white alert, dapat akatarya so amin ya hospital manpower, singa saray doktor tan nurses piyan mangiter na atensyon medikal diad amin ya health-related incidents ya nayarin nagawa diad pagsilibra na holiday season.

Impasiguro met na ospital ya susto lay supply na dugo diad blood center.

Suportado na ospital so Oplan iwas paputok piyan napaabeba iray naikukurit ya kaso na fire related injury diad probinsya.

Nen imbeneg ya taon, unaabot ed 59 so kaso na fire cracker related injury no iner kaslakan ed saray biktima so nanlapud nanka-aberyan firework display diad sakey ya barangay diad ciudad.