BOMBO DAGUPAN – Hindi magiging isyu ang citizenship ni Department of Social Welfare and Development (DSWD) Secretary Erwin Tulfo.
Ayon kay Atty. Joseph Emmanuel Cera, constitutional lawyer sa Pangasinan, kahit nag serve man siya bilang Armed Forces sa Amerika noon ay maitututuring pa rin na natural borned Filipino citizen si sec.Tulfo.
Inihalimbawa ni Cera si dating congressman Teddy Cruz sa bayan ng Mangatarem na kinuwestyun din noon ang kanyang citizenship dahil minsan ay nagsilbi siya sa American Military pero nag repatriate siya sa pagiging natural born Filipino.
Dagdag pa ni Cera na hindi pa rin final ang kanyang conviction dahil iniapila niya sa Court of Appeals ang RTC decision hanggang sa nasa supreme court na ang kanyang apila .
Sa ngayon ay hihintayin pa aniya ang decision ng CA kung mapapanatili o iko confirm ang kanyang appointment.
Matatandaan na ipinagpaliban ng Committee on Labor, Employment, Social Welfare, and Migrant Workers ng Commission on Appointments ang kumpirmasyon para sa ad interim appointment ni Tulfo.
Nagmosyon si CA Majority Leader at Camarines Sur Rep. LRay Villafuerte na i-defer ang kumpirmasyon sa ad interim appointment ni Tulfo dahil sa dalawang isyung binanggit ni 1-SAGIP Party-list Rep. Rodante Marcoleta tungkol kay Tulfo, ang citizenship at ang conviction sa libel case ng kalihim na hinatol noon ng Pasay Regional Trial Court.
Sa executive session ang komite inusisa ang status ng ‘citizenship’ ni Tulfo dahil napag-alaman na ito ay naging enlisted ng US Army mula 1988 hanggang 1992 at nasa active military service na naka-station sa Europe mula 1992 hanggang 1996.
