DAGUPAN CITY- Ipinagdiwang ng mga Persons with Disability (PWD) ang kapaskuhan sa Tayug Municipal Gymnasium.
Nagsama-sama ang mga PWD mula sa iba’t ibang barangay sa bayan ng Tayug na lumikha ng isang kapaligiran ng kagalakan, pagkakaisa, at suporta sa isa’t isa.
Puno ng kasiyahan ang programa, na nagtampok ng mga nakakaengganyong laro, mga nakakaakit na pagtatanghal, at masayang handaan, na matagumpay na nagpahatid ng tunay na diwa ng Pasko.
Pinangunahan ang pagdiriwang nina Mayor Tyrone Agabas, Vice Mayor Lorna Primicias, at SBM Samuel Manzano, na naghatid ng mga nakaka-inspire na mensahe ng suporta at pagkilala sa mahahalagang kontribusyon ng komunidad ng PWD sa bayan.
Malaking bahagi sa pag-oorganisa ng matagumpay na pangyayari ang opisina ng Municipal Social Welfare and Development.
Ipinakita ng pangyayari ang pagkakaisa ng bayan at ang walang sawang suporta nito sa lahat ng sektor ng lipunan, lalo na sa komunidad ng mga PWD.
