Cessna plane naplag ed kapageyan diad Pangasinan, piloto tan student pilot tonya asugatan

DAGUPAN CITY-Sugatan so duwaran totoo kasumpalan ya nan crashed so sakey ya Cessna plane diad kapageyan na Brgy Linmansangan ed baley na Binalonan, Pangasinan.

Lugan na Cessna plane 152 iray sugatan ya sikara di Capt. Bruce Sinaking, piloto na luluganan ya residente na Baguio City tan student pilot ya si Marcus Lim, ya nanlapud ciudad na Maynila.

Tampol ya imbatik diad patambalan iray biktima makasengeg ed agamuran dan sugat diad nanduruman parte na laman da.

Patuloy so imbestigasyon na Binalonan PNP ed say sengegan na inpakapelag na abitlan cessna plane.