DAGUPAN CITY -Inatey so sakey ya caretaker na farm kasumpalan ya nanbikkel diad baley na Malasiqui, Pangasinan.
Diad impormasyon ya manlalapud PNP, kinabat so biktima ya si Romeo Laforteza, singkuwentay sais anyos, walay asawa tan residente na Barangay Lareg-Lareg diad abitlan baley.
Say istorya na asawa na biktima, inmalis labat iya piyan manpakan na say babantayan ton manok ya ibobolang tan kasumpalan na masolok ya sakey oras so pinmawil diad abong da.
Ataktakot iya nen anengneng ton say asawa to so akabitin diad loob na banyo.
Inawit dad ospital so biktima bangbalet indeklaran dead on arrival na saray doktor ya nannengneng ed sikato.
Kaleganan tonya, onong ni ed say asawa to pigaran agew lan mabetbet ya manbibilin ya asikasuen so anak da tan agto labay konon pabigat ed pamilya da.
-
Akabatan ya si Laforteza so walay sakit ton diabetes tan aputot metla so kawigin sali to.
