DAGUPAN CITY – Manpapasalamat so Bombo Radyo Dagupan ed say amin ya dumerengel tan unsusuporta ed say istasyon na radyo kasumpalan ya manunaan lamet diad Kantar Media Survey ed amin ya AM radio Stations diad interon Pangasinan.
Akabatan ya based say resulta na abitlan survey ya ginawad kasamputan na 2017, unaabot ed 73.66 percent ya audience share so nala na Bombo Radyo Dagupan DZWN 1125KHZ.
Tinmombok so Aksyon Radyo Pangasinan ya walaan labat na 10.92 audience share percent basid survey, mikatlo so DZRH Relay ya walay 4.95 audience share, mikapat so Super Radyo DZBB Manila ya walaan na 3.44 audience share, tan kumalima so Radyo Agila ya akapangikurit na 3.04 audience share.
Say agamuran na Bombo Radyo so alay dad amin ya dumerengel tan supporters tonya.
Ilaluan ya mas lalon parakepen na istasyon so iiter ya serbisyo, balita tan impormasyon diad publiko.
