DAGUPAN CITY– Unaabot ed ngalngalin 500 ya miyembro na Abu Sayyaf tan Bangsamoro Islamic Freedom Fighters (BIFF) so aanapen natan na Armed Fiorces of the Philippines.
Diad ekslusibon impituyaw na Bombo Radyo Dagupan ed kinen National Security Adviser Hermogenes Esperon Jr . walad 200 miyembro na Abu Sayyaf tan 200 miyembro na BIFF so aanapen ni piyan agga makapangitayak na gulo lautla diad parte na Mindanao.
Diad kaplesan wala iray nanaawat dan intel report ya getman mangulo so pigaran grupo kanyan saya so beberipikaen da natan.
--Ads--
Saya kono so gagaween da no makakala ra na unyan impormasyon.
Lapud saya, nanpawit ira na saray kaaruman sundalo piyan makapanprepara no bilang walay paplanuen dan makapoy.
