DAGUPAN CITY– Napapagaan si Magdalo Party-list Rep. Gary Alejano ed say biek tan biek ya panpapatey ed saray pulitiko.
Sangkaunuran ya insidente dia so impamatey ed kinen AKO Bicol Representative Rodel Batocabe diad Barangay Burgos, Daraga, Albay.
Diad ekslusibon impituyaw na Bombo Radyo Dagupan ed kinen Alejano inkuwanton ‘alarming’ so naggawa ya pateyan diad bansa.
Inkuwanton, singa ordinaryo la so unyan krimen diad sosyedad tayo.
Nilira ed saya, baleg so pananisiya nen Alejano ya pulitika so motibo na inpamatey ed kinen Batocabe ya pinapaltog legan ya wala ed sakey ya “gift giving activity”.
Onong nid si Alejano, nakaokolan ya unggalaw ya tampol iray otoridad piyan naerel iray suspek.
Imporek ton nepeg ya untunda la so nagagawan political violence diad bansa.
No aga napatunda siguradon unterak ni gulo diad kasabi na 2019 midterm election.
