DAGUPAN CITY– Iilaluan ya magmaliw ya mareen tan mauksoy so nagawan eleksyon para ed Baranggay tan SK Elections natan ya agew diad syudad ng Dagupan.
Saya so impasiguro nen Psupt. Johndale Sulit, say hepe na Dagupan City PNP.
Onong ed kinen Sulit, akatarya so buon pwersa da tan akalatag metla so pigaran security measures anggan say peace and order plan.
Inkuwanton, wala laray akadeploy ya pupulis diad saray polling place tan saray SWAT Team ya manronda piyan nasiguro so seguridad na saray botante tan aray kandidato.
Wala iray quick Reaction Teams met ya in charge ed overall peace and order security diad ciudad.
Nilira ed saya, tinangguyor met na hepe so publiko ya alerto tan tampol ya ipaanta ed pulisya iray makapaduruwan aktibidad.
Kaleganan tonya, eksakton ala sais natan ya kabuasan so man-umpisay boto anggad ala singko na ngarem.
