DAGUPAN CITY – Inatey so sakey ya 62 anyos ya barangay chairman kasumpalan ya paltogen na riding in tandem suspect diad Purok 5 LaFuente, Santa Rosa, Nueva Ecija.
Three termer barangay chairman so biktima ya si Renato Sebastian.
Onong ed nalan impormasyon na bombo radyo Dagupan, kaplesan ya mitotongtong si Sebastian ed saray kabarangay tonya nen walay tinmundan motorsiklo tan pinaltog so biktima.
--Ads--
Tampol met ya inbatik so biktima diad ospital bangbalet indeklaran dead on arrival na aray doktor.
Arekober na aray otoridad diad akagawaan na krimen so pigaran basyo na bala na papanisiaan ya kalibre 45 ya paltog.
Patuloy so gagaween ya imbestigasyon ed abitlan impanpatey.
