Tadtad ng saksak nang matagpuan ang isang bangkay sa isang kalsada sa barangay Tori Tori sa bayan ng Anda.
Ayon kay PCpt. Dario Ico, OIC ng Anda PNP, nakilala ang biktima na si Alex Catabay Sr., 52 taong gulang na residente din sa naturang lugar.
Aniya, nagtamo ng 7 saksak ang biktima na isang magsasaka.
--Ads--
Batay sa mga nakasaksi sa insidente hinihinalang tinambangan ang biktima ng mga hindi pa nakikilalang mga suspek saka ito pinagsasaksak.
Sa ngayon ay isinagawa na ang Post-mortem examination sa bangkay ng biktima at patuloy naman na inaalam ng mga kapulisan ang motibo sa pamamaslang sa biktima.
