Bangkay na biin papanisiaan ya inabuso, arumog ya manleletaw diad Pantal River

DAGUPAN CITY– Arumog ya manleletaw so bangkay na sakey ya bii ya papanisiaan ya inabuso diad Pantal River ciudad na Dagupan.

Kinabat so biktima ya si Reysha Tolosa Vidal, mantratrabaho ed sakey ya mall diad ciudad tan residente na Pantal Guibang diad sayan ciudad.

Bandad ala-7 niman na kabuasan nen anengneng na pigaran residente diad lugar ya anggapoy sulong tod leksab kanyan papanisiaan ya saya so inabuso insan pinatey.

Diad kaplesan, patuloy so imbestigasyon na saray otoridad ed insidente piyan nakabatan so suspek ya nangaway kremin.