Balon intalagan prosecutor ya nanlapud ciudad na Dagupan, nanpasalamat ed kinen pres. Rodrigo Duterte

DAGUPAN CITY– Manpapasalamat si Atty. Ma. Victoria Datuin Cabrera manlalapud ciudad na Dagupan ed kinen presidente Rodrigo Duterte ed say impangipasen ed sikato bilang prosecutor lV diad ciudad.

Diad ekslusibon impituyaw na bombo radyo Dagupan, imbaga nen Atty. Cabrera ya naawat toy tawag manlapud Malacañang ya mankukumpirma ed say appointment tonya.

Inpormisa ton gawaen ton amin so nayarian to piyan nagawaan toy balo tonyan trabaho.

Si Atty. Cabrera, ya taga diad ciudad na Dagupan so kaplesan ya city legal officer diad ciudad tan nanlapu met lan nantrabaho diad National Prosecutor’s Office.

Diad kaplesan so dake rakel so manlulugay ed sikato ran kapara ton abogado tan saray Dagupeño ya mas angiter ed sikato na kasil na linawa.