DAGUPAN CITY– Aga mila so Alliance of United Transport Organization Provincewide (AUTOPRO) ed nagawan nationwide transport strike nabuas agew na Lunes.
Diad say ekslusibon impituyaw na bombo radyo Dagupan ed kinen (AUTOPRO) President Benny Aquino, diad kaplesan, anggapo ni abiso na National President da nilirad saya balet onor onor irad magmaliw ya desisyon tonya.
Inkuwanton ononor ira antokaman ya gangan na national president pian narengel met so boses tan kerew na saray membro dad probinsya.
--Ads--
Mangawa na tigil pasada diad interon bansa so nanduruman grupo na transport group piyan ipanengneng so agda iyabuloy ed Public Utility Vehicle (PUV) modernization program na gobyerno.
