Tuloy nin kakabaten iray biktima na say mass shooting incident diad Walmart shopping mall ed El Paso, Texas diad bansan Amerika.
Onong ed say impituyaw na Bombo Radyo Dagupan diad saray Filipino Community ed Texas, anggapo na-account ya kabaleyan tayon akapibiang ed saray biktima na mass shooting.
Akabatan ya inabisuan iray residente diman ya mansansia diad loob na kaabungan da tan iwasan dan unlad saray dakel ya totoo legan ya agni nalilinewan so agawan krimen anggano wala ed kostudiya na saray otoridad so suspek ya si Patrick Crusius, 21 anyos ya residente na Allen, Texas .
Diad kaplesan, tuloy so paniiter na dasal tan simpatiya na saray kanayon tan kakaaro daray biktima legan ya tuloy so pitotongtong dad saray otoridad tan kabaleyan da piyan nasiguron ligtas so amin.
Aalagaren ni opisyal ya palapag na Konsulada ng Pilipinas piyan naantaan so kipapasen na saray Pilipino diman.
Immuna ed saya, kinumpirma nen Texas Gov. Greg Abbott, ya inmabot ed 20 so bilang daray inatey legan ya 26 so asugatan ed insidente. Tinawag toninyan makapapasnok so abitlan insidente.
