DAGUPAN CITY– Kasumpalan na ipangifile na certificate of candidacy (COC), tombok ya antaen na say COMELEC iray lugar ya nayarin ipasilong diad election watchlist.
Saya so kinompirma mismo nen Provincial Election Officer Atty. Marino Salas, diad ekslusibon impituyaw na Bombo Radyo Dagupan.
Onong ed kinen Salas, iilaluan da lan nawalaan na panguman ed political atmosphere diad oras ya naantaan na saray kandidato no siopa so nakalaban da ed arapen ya eleksyon.
--Ads--
Inkuwan nen Salas ya eletan met la na pupulis so pangawa na monitoring diad nanduruman baley diad probinsya piyan nabaat so siopaman ya manpaplanon mangulo ed eleksyon tan naantaan metla no wala ni arum ya lugar ya malet so political rivalry.
