DAGUPAN CITY– Pan-aalwaren na Lingayen PNP iray manpaplanon manames diad Lingayen Beach ya dadayuen aliwa labat lan saray Pangasinense untan met saray turista.
Diad ekslusibon impituyaw na Bombo Radyo Dagupan ed kinen Police Senior Inspector Antonino Cuaresma Chief Investigator at Chief Intel ng Lingayen PNP, inkuwanton patuloy iran manbabantay ed abitlan baley lautla diad Lingayen Beach lapud idadakel na saray uunlan manaames diad abitlan lugar.
Inyarum tonin, mas eneletan da so estratehiya da piyan naiwasan na saray bakasyunista so antokaman ya insidente .
Kaleganan tonya, nanpanonot met ira ed saray manpaplanon manames tan binagaan iran importanten ononor irad saray pasakbay o regulasyon ya ipapatonton pian makaiwas ed aksidente.
Manames labat ira diad ingetar ya lugar diad parte na dayat tan agga unlalangoy diad off-limits o alarem ya parte.
