DAGUPAN CITY– Inatey so apat bolan ya ogaw kasumpalan ya mansakit na tigdas diad Tarlac City.
Akaburol natan so kapanyanak ya ogaw legan ya walad patambalan so kambal ton atamaan met na tigdas.
Diad impormasyon, nen imbeneg ya bolan so aconfine so kambal lapud ukok tan panateng.
Pigaran simba kayari dan impaway diad ospital, impawil lamet so kambal diad patambalan ta atamaan iray tigdas.
Onong ed Tarlac Provincial Hospital, posiblen antes ya pinmaway so kambal diad ospital naalisan lara diad loob.
Lapud kakulangan na isolation room, manaalisan lay tigdas aray pasyente.
Diad datos na Tarlac Provincial Health Office, manlapu nen January 1 anggad February 2, inmabot la ed 151 so naikurit ya kaso na tigdas diad probinsiya.
Mas atagey iya na 700% kumparad datos ed parehon panaon nen imbeneg ya taon.
Indeklara so measles outbreak diad 12 baley tan sakey ya syudad diad probinsya lapud saray nikurit ya kaso na tigdas no iner tatlora la so inatey makalanor ed sayan sakit.
