Asamalan so animeran mankakanayon diad ciudad na San Carlos kasumpalan ya akapangan na itlog maalat.
Inbatik diad Pangasinan Provincial Hospital so pamilya Albareda manlapud barangay Bolingit, San Carlos city kasumpalan ya akaranas ira na sakit na eges, pan uta tan pantae.
Onong balet ed say liderato na ospital, posiblen akontamina na bacteria so itlog maalat ya kinan na saray biktima.
Diad datos ng PPH, inmabot la ed walora so nikurit ya biktima ng food poisoning ya naadmit diad ospital natan ya 2019.
Impaliwawa na aray doktor, ya maganon nakontamina na bacteria iray kakanen ed sayay ampetang so panaon kanyan say payo da so kaokolan ya malinis iray lima, malinis iray uusaren diad panluluto tan say pananginan na panangan.
Diad natan, maayos lay kondisyon na aray biktima.
