DAGUPAN CITY-Arestado so sakey ya 43 anyos ya laki kasumpalan ton molestiyaen so 3 taon ton anak diad baley na Laoac, Pangasinan.
Adiskobre na pamilya na biktima ya inyamot ed ngaran ton ‘Rica’ so agawa diad sikato kasumpalan ya anengneng day panbalanga tan inlarag na kayaryan to.
Mismon say ogaw ni so nan-demo na ginawa diad sikato na dili ton ama.
Onong ed say istorya na ogaw, inulit inulit na ama ton enembenan so pribadon parte na laman to.
Pinilit to met ya iloob komon so kayaryan to tan say gamet to diad ebet na ogaw ya sengegan na pansakit tonya.
Lapud saya, tampol ya inreport diad pulisya so inkagawa.
Naaresto so suspek balet malet ton imburi so alegasyon dad sikato.
Kaleganan tonya, umpapaway diad medical certificate na ogaw ya positibo iya ed genital lacerations ya indikasyon ya agalaw iya.
Isegepan na kason rape so suspek legan ya itatarya la ray dokumento piyan ni yalis diad kustodiya na DSWD so ogaw ya biktima.
