Patuloy ang pagtaas ng bilang ng mga aksidente sa kalsada sa Region 1 ngayong holiday season.
Mula Disyembre 21 hanggang 27, 2025, umabot na sa 23 ang naitalang aksidente, kung saan ang mga kabataan ang pinaka-apektado.
Ayon sa datos, ang mga nasa edad 30 hanggang 34 ang bumubuo sa 28.1% ng mga kaso kung saan maramihan sa mga nasangkot ay kalalakihan, at isa sa mga insidente ay nagresulta sa pagkasawi.
Dahil dito, nanawagan ang mga awtoridad para sa mas pinaigting na kampanya sa road safety na nakatuon sa mga kabataan.
Samantala, binigyang-diin ng Department of Health Ilocos Region sa lahat na maging responsable sa kalsada kung saan ugaliing magsuot ng DTI-approved helmet at seatbelt, iwasan ang pagmamaneho nang pagod o lasing, sundin ang speed limit at mga senyas trapiko, magpahinga bago bumiyahe, at huwag gumamit ng cellphone habang nagmamaneho.
