DAGUPAN CITY– Binmisita diad luyag na Pangasinan so sekretaryo na Department of Agriculture piyan personal ya nanengneng so danyos ya intilak na Habagat tan bagyon Josie.
Akituyaw si Agriculture Secretary Manny Piñol ed saray lokal ya opisyal diad luyag tan pinantongtongan no anto so marakep ya ayudan niter ed saray apektadon dumaralos.
Diad ekslusibon impituyaw na Bombo Radyo Dagupan ed kinen Pinol, impasiguro na opisyal ya nabawi ni na saray dumaralos so apirdi ed sikara ta mangiter ira na saray bini tan fertilizer ed saray dumaralos ed lalon maganon panaon.
--Ads--
Akabatan ya walay bufferstock so DA na nanduruman klase na bini ya nayarin iter dad saray dumaralos piyan makapantanem lamet tan agga nairapan ya manaliw na marakep ya bini.
