Dagupan City– Nanpasakbay laray makankanepegan ed posibilidad ya naranasan lamet so baleg ya delap diad luyag na Pangasinan.
Saya et kasumpalan na impangilukas na apatiran gate na San Roque Dam.
Diad ekslusibon impituyaw na Bombo Radyo Dagupan ed kinen Anthony Mata, weather facility specialist one na Agno River Flood
Forecasting System imbaga ton wala lad ‘alarm level’ so lebel na abitlan ilog.
--Ads--
Nikurit lay 3.89 meters so water level na Agno River.
Kaleganan tonya, wala met la ed 7.81 meters so water level na Sinucalan River no iner arawi la tan lagpas la ed critical level ya 6.9 meters.
Papayuan iray residenten asingger diad saray ilog ya manalerto tan mantarya no nakaokolan da la so man evacuate.
