DAGUPAN CITY– Nanpasakbay si Congressman Gary Alejano ya agga nepeg ya mankampante so administrasyon nen president Rodrigo Duterte anggano asalatan tan balo lay house speaker o lider na kamara.
Diad ekslusibon impituyaw na Bombo Radyo Dagupan ed kinen Alejano, inkuwanton anggano dati lan kaalyado na Duterte administration, agga nepeg ya mankumpiyansa so gobyerno.
Imbaga tonyan initdan na mas atagey ya posisyon so datin presidente tan Pampanga Representative Gloria Macapagal-Arroyo kanyan nepeg iran man alwar.
Likod ed atagey ya posisyon, diad panamegley na pagmaliw ya balon house speaker, nayari nin nawalaan na sobra sobran pakapanyari lautla ibabagan target toyan magmaliw ya prime minister diad oras ya salatan la so porma na gobyerno diad panamegley na charter change.
Diad kaplesan, impalapag nen Alejano ya talaranan la na publiko so nayarin nagawa diad bansa.
