DAGUPAN CITY- Sugatan ang isang lending collector na sakay ng kanyang motorsiklo nang makabangga nito ang isang kotse sa bayan ng Tayug.
Kinilala ito na isang 36-anyos na lalaki na residente ng Urdaneta City habang ang driver naman ng kotse ay isang 54-anyos kasal at residente ng Pangasinan.
Ayon sa imbestigasyon, binabaybay ng motorsiklo ang direksyon pahilaga sa isang pangunahing kalsada habang ang kotse naman ay patungo rin sa parehong direksyon ngunit nagtangkang kumaliwa sa isang intersection.
Sa pagliko ng kotse, sumalpok ang motorsiklo sa kaliwang bahagi nito.
Nagresulta ito sa pagkasugat ng driver ng motorsiklo habang ang driver ng kotse naman ay hindi nasaktan.
Dinala ang dalawang driver sa ospital para sa kaukulang medikal na atensyon.
Nagtamo rin ng pinsala ang mga sasakyan, at kasalukuyang inaalam pa ang halaga ng mga ito kung saan dinala na ang mga sasakyan sa Tayug Municipal Police Station para sa tamang disposisyon.
