Nagboluntaryo si Ramon Ang, isang kilalang negosyante at kasalukuyang presidente at CEO ng San Miguel Corporation, na tumulong sa pagsasaayos ng matagal nang problema sa baha sa Metro Manila — “nang walang gastos sa taumbayan at walang gastos sa gobyerno.”
Ayon kay Ang, handa siyang pondohan at isakatuparan ang mga kinakailangang hakbang para malutas ang pagbaha sa rehiyon, gamit ang sariling pondo ng pribadong sektor.
Ang kanyang layunin: maprotektahan ang kabuhayan, at kaligtasan ng mga residente ng Metro Manila, lalo na sa panahon ng malalakas na pag-ulan.
Nagpapasalamat naman ang ilang opisyal at sektor ng lipunan sa hakbang na ito, na tinitingnan bilang isang makabuluhang halimbawa ng pribadong inisyatiba na tumutugon sa isang pambansang suliranin.
