Nagbitiw ang nangungunang prosecutor ng Estados Unidos sa Manhattan matapos utusan na ihinto ang kasong katiwalian laban kay New York City Mayor Eric Adams.
Si Danielle Sassoon, ay isang konserbatibong abogado na kamakailan lamang ay itinalaga ni US pres. Donald Trump.
Ang pag-alis ni Sassoon – kasama ang hindi bababa sa dalawang iba pang mataas na opisyal ng Kagawaran ng Katarungan – ay ang senyales ng hindi pagkakasundo sa pagbabago na ipinapatupad ng administrasyong Trump sa pederal na pagpapatupad ng batas.
Sa isang kasong isinampa noong Setyembre, inaakusahan si Adams ng pagtanggap ng mga regalo na nagkakahalaga ng mahigit $100,000 (£75,000) mula sa mga mamamayang Turkish kapalit ng mga pabor ngunit itinatanggi naman niya ang mga akusasyon.
Ang kaso ay unang isinampa ng mga opisyal na itinalaga ng dating Pangulong Joe Biden.
Ngunit noong Lunes, isang itinalaga ni Trump na pansamantalang deputy attorney general na si Emil Bove, ang nag-utos kay Sassoon at mga prosecutors ng New York na itigil ang kaso.
Hindi tinukoy ni Bove ang mga merito ng kaso at binanggit na ang Kagawaran ng Katarungan ay magsasagawa ng karapatang muling isampa ang mga paratang pagkatapos ng halalan para sa alkalde ng New York City sa Nobyembre.
Tumutol si Sassoon na itigil ang kaso, at sinabing wala siyang nakikitang “mabuting layunin” upang ihinto ang kaso.
