Dagupan City – Isang lalaki ang nasawi habang isa pa ang sugatan matapos magbanggaan ang dalawang motorsiklo sa provincial road ng Brgy. Balingueo noong Enero 29, 2025, bandang 10:25 ng gabi.
Ayon kay PLt Col. Michael Datuin – Chief of Police ng Santa Barbara PNP kinilala ang mga sangkot na sina Mark Rebotoc Rebotoc, 25-anyos isang construction worker mula Brgy. David sa bayan ng Mangaldan at si Marlon Domantay, 48-anyos mula naman sa Brgy. Balingueo sa bayan ng Sta. Barbara na parehong nagmamaneho ng isang motorsiklo.
Lumalabas sa imbisyigasyon na patungong timog si Rebotoc habang pa-hilaga naman si Domantay nang biglang pumasok si Domantay sa linya ng una, dahilan ng kanilang pagka-banggaan.
Dito na tumilapon ang dalawa at nagtamo ng matinding sugat. Naisugod pa naman sa hospital si Rebotoc sa lungsod ng Dagupan ngunit binawian din ito ng buhay dahil sa malubhang pinsala sa ulo.
Habang si Domantay naman ay kasalukuyang nasa Sta. Barbara Police Station para sa karampatang aksyondahil nag-positibo rin ito sa alak.
