DAGUPAN CITY- Nagtipon-tipon ang ilang mga mamamayan ng Estados Unidos, kabilang na ang mga taga-suporta ni US President-elect Donald Trump para sa kaniyang opisyal na pag-upo.
Ayon sa panayam ng Bombo Radyo Dagupan kay Des Baker, Bombo International News Correspondent sa Washington D.C., nagkaroon ng pila ng mga taga-suporta ni US President Donald Trump para sa kaniyang inagurasyon.
Aniya, nasa mahogit 15,000 na katao mula pa sa iba’t-ibang States ang mga naroon para lamang masaksihana ng opisyal na pag-upo ni Trump.
Maayos ngunit mahigpit ang seguridad sa lugar upang masiguro ang kaligtasan ng mga tao.
Nakakagalak din umano sa pakiramdam na masaksihan ang opisyal na pag-upo ng kanilang Presidente at nakabalik sa posisyon.
Samantala, mayroon ding separate area o lugar para sa mga protesters.
