Dagupan City – Inaabangan na ng mga supporters at mga residente sa Estados Unidos ang nalalapit na inagurasyon ni US President-elect Donald Trump.
Sa naging panayam ng Bombo Radyo Dagupan kay Maricel Vest, Bombo International News Correspondent sa USA, ang muling pagbabalik ni Trump bilang pangulo ng bansa ay nagpapakita lamang na siya ang pinagkakatiwalaan ng karamihan.
Kung saan, umaasa ang mga residente sa Estados Unidos na si Trump umano ang magiging daan upang manumbalik ang kagandahan ng kanilang ekonomiya.
--Ads--
Nakatakda namang sumailalim ang mga dadalo sa inagurasyon sa security checkup upang masiguro ang kaligtasan nina Trump at US Vice President-elect JD Vance.
