DAGUPAN CITY- Timbog ang isang 49 anyos na lalaki matapos makumpiskahan ng nagkakahalagang P6,800 na hinihinalang shabu sa isinagawang buy bust operation sa Brgy. Embarcadero,sa bayan ng Mangaldan.
Ayon kay Pol.Capt. Hernando Martinez, deputy officer ng Mangaldan PS, katuwang ang Philippine Drug Enforcemeny Agency Region 1, arestado ang kinilalang suspek na si Ronald Dela Cruz, residente ng Brgy. Alitaya, sa bayan ng Mangaldan.
Aniya, nakumpiskahan ang suspek ng tinatayang 4 na sachet ng hinihinalang shabu na nagmula umano sa parehong pagbebenta at pag-aari ng suspek.
Mahaharap ang suspek sa kasong paglabag sa RA 9165 kung saan walang inirekomendang pagpapiyensa o non bailable ang naturang kaso.
Kasalukuyang nasa kustodiya na mg mangaldan PS ang suspek.
Sa kabilang banda, ibinahagi rin ni Martinez ang kanilang operation kontra droga sa bayan kung saan aniya bagamat matindi ang kanilang nararanasan sa pakikipaglaban sa kaso ng droga ay aniya maganda naman ang kinalabasan ng kanilang aksyon sa bayan kung saan sunod sunod ang kanilang naaaresto sa parehas na kaso
Dagdag pa niya na ang operasyon ay bahagi ng patuloy na pagsisikap ng mga awtoridad laban sa illegal na droga sa nasabing lugar.
Paalala naman ng mga otoridad ang kahalagahan ng kooperasyon ng komunidad sa paglaban sa mga iligal na gawain.
