Dagupan City – Lumobo pa sa 2.70% ang kita ng Land Transportation Office-National Capital Region (LTO-NCR) sa unang anim na buwan ng 2024.
Ayon kay LTO-NCR Financial Management Division (FMD) Chief Annabelle N. Quevedo, nalagpasan na ng ahensiya ang first half revenue collection noong nakaraang taon na nasa P4.5-bilyon, matapos na pumalo ngayon ang nakolektang revenue ng ahensya sa P4.67-B.
Kung saan ang pinakamalaking bulto ng revenue ay mula sa registration at licensing.
Habang tinukoy naman ni Quevado na ang mataas na koleksiyon ng ahensiya noong mga buwan ng Enero, Pebrero, Abril at Mayo ay sumampa lamang sa P3.22-B.
Isa sa mga nakapag-ambag dito ay ang mga nahuling motorista na lumabag sa Law Enforcement and Traffic Adjudication System (LETAS) kung saan ay umabot ito sa P49.4-M.
Samantala, nasa P8.4-M naman ang nakolekta sa Motor Vehicle Inspection Center (MVIC).
Kaugnay nito, ayon kay LTO-NCR Regional Director Roque “Rox” I. Verzosa III, target nilang mapalawak pa ang revenue growth ng ahensiya sa ikalawang bahagi ng 2024.
