2 construction workers patay matapos sumalpok ang sasakyan sa barangay outpost sa Malasiqui, Pangasinan

Patay ang dalawang construction worker matapos na maaksidente sa barangay Guilig sa bayan ng Malasiqui, Pangasinan.

Matinding sugat sa ulo at katawan ang ikinamatay ng mga biktima na sina Urbano Pascua at RJ Macasieb.

Nadala pa sa ospital ang angkas pero namatay din.

Ayon sa nakuhang impormasyon ng Bombo Radyo Dagupan, pauwi na ang mga biktima nang makabangga ng aso ang mga ito.

Nawalan ng kontrol ang driber sa minamanehong motorsiklo at sumalpok sa barangay outpost.

Wala ring suot na helmet ang mga biktima nang maganap ang aksidente.