DAGUPAN, CITY— Maiging mapaghandaan ng mas maaga ang pagkakaroon ng local transmission ng COVID-19 sa lalawigan ng Pangasinan.
Sa eksklusibong panayam ng Bombo Radyo Dagupan kay 4th District Board Member Agerico “Ming” Rosario, sinabi nito na bagamat wala pa sa tala ang local transmission, ay mahalaga na mapaghandaan na ito upang hindi na mabigla ang mga nasa katungkulan at maging ang mga mamamayan tungkol dito.
Paliwanag pa ni Rosario, hindi naman umano natin basta masasabing walang local transmission ng covid sa probinsya dahil hindi nakikita ang kalaban at maraming lumalabas na walang travel history ngunit nagpopositibo sa naturang sakit.
Dagdag pa niya na kung maagap ang lahat tungkol sa nasabing transmission ay mas handa na maibigay ng solusyon para matugunan ito.
kailangan mapaghandaan ang local transmission
