City Mobile Tents inihahanda na sa City Astrodome ng lungsod ng Dagupan bilang karagdagang isolation area para sa mga PUI

Hinahanda na ang City Mobile Tents sa City Astrodome para sa mga Patient Under Investigation (PUI) sa sakit na Coronavirus Disease 2019 (COVID-19) sa siyudad ng Dagupan, lalawigan ng Pangasinan.

Personal na ininspeksyon ni Mayor Brian Lim ang modular tents na ini-install sa nasabing lugar upang masigurong maayos ang mga ito.

Ito ay hinahanda kung sakaling kailanganin pa ng siyudad ng karagdagang isolation areas para sa mga PUI dahil sa COVID-19 outbreak.

Samantala, 10 na ang naitalang PUI ang kasalukuyang naka-admit sa ibat-ibang ospital sa naturang lungsod.

Ang mga modular tents na ito ay donasyon mula naman kay Mr. Ralph Du noong April 1, 2020.