Misis ya agga makaakar manlapu nen saya so inyanak tan walay anak ya anggapoy abot na tombong to, makakaliket tan manpapasalamat diad Bombo Radyo ed naawat ton wheelchair

Manpapasalamat so sakey ya misis ya naitdan na wheelchair na Bombo Radyo at Star FM Dagupan diad panamegley na Bombo Medico.

Diad eksklusibon impituyaw na Bombo Radyo ed kinen Aling Wilma, 42-anyos ya residente na ciudad na Alaminos, impalapag ton inyanak ton manlapu sa nen saya so inyanak so agla iya makapanakar.

Agmet ira makasaliw na wheelchair ta mas iyaanapan da na kuwarta so sakey taon ya anak da ya anggapoy abot na tombong to.

Onong ed misis, anggapoy trabaho na asawa to ta iiwasan danya kanya agay lay liket tonya nen saya so naitdan na wheelchair manlapud Bombo Radyo.

Kaleganan tonya, positibo met iray linmad medical, optical tan dental mission na Bombo Radyo Philippines diad ciudad na Dagupan.