Abiglaan tan agga makapanisia so top 6 diad Nurse Licensure Examination ya manlalapud luyag na Pangasinan.
Diad eksklusibon impituyaw na Bombo Radyo Dagupan ed kinen Tricia Jane Bautista, 20 anyos taga ciudad na San Carlos tan graduate na University of Pangasinan abiglaan iya nen napano so inbox ya angipasabi na congratulatory message ed say inpakapasa to tan inpan top 6 to ed iksamin.
Akaakis ed liket daray atateng to nen naantaan day balita.
Diad kaplesan plano tonin manpainwawa antes toyan mantrabaho diad bansa.
Nanpasalamat met iya ed amin ya totoon nanisia tan akatulong ed say sikato piyan makasumpal ed panaral to.
Akabatan ya kumasiyam met so University of Pangasinan diad passing rate na aray eskwelaan no iner 65 ed 76 ya angala na iksamin ya nan-aral diad so pinmasa ed iksamin.
