Kabat la na saray otoridad so bangkay na sakey ya marikit ya pinapaltog diad Sison, Pangasinan.
Diad exclusive interview na Bombo Radyo Dagupan, kinabat nen police Major Alfredo Padilla Jr., Officer-in-Charge (OIC) na Sison Police Station, so biktima ya si Vanessa Husco, 19 anyos tan residente na District 2, Poblacion, diad baley na Pozorrubio.
Onong ed si Padilla, abirbir so biktima kasumpalan ya linmad opisina da so pangamaen to tan kinabat so bangkay.
Inyarum tonin agga ilaluan na say pamilya na biktima ya walay makapoy ya nagawa diad sikato.
Akabatan ya palanang ya unaakar so biktima tan mahilig ya milugan ed motorsiklo.
Kaleganan tonya, duwaran motibo so nenengnengen na aray pupulis ed agawan inpanpatey ed biktima.
Sakey diad so pasnok tan say graben selos kanyan agawa so krimen.
