Posiblen inabuso antes ya pinatey so 18 anyos ya marikit ya nalmoan ya andi lad bilay diad marikan lugar diad Bonuan Blue Beach subdivision diad ciudad na Dagupan.
Akaleksab so underwear na biktiman si Bernadeth Saplan, 18 anyos, first year college student tan residente diad abitlan lugar sa nen saya so nalmo.
Onong ed nalan impormasyon na Bombo Radyo Dagupan, unaan ya linma diad pulisya so kuya na biktima piyan ipaantan agni akasempet so biktima diad abong da.
Kaimbuasan la nen nalmo so bangkay na biktima asingger diad abong da ya walay kaarawin sakey kanto labat.
Nen narumog so biktima so akatagey la so bra to tan akaleksab lay underwear tonya.
Inpasilong la ed post mortem examination so laman na biktima piyan naantaan no saya so biktima na rape.
Patuloy so imbestigasyon na kapulisan ed sayan insedente.
