Sinmumlang ed fire safety code so pigaran parentaan ya abong o boarding house diad ciudad na Dagupan.
Saya et katumbukan na ginawan ‘surprise inspection’ na Bureau of Fire Protection lapud say manasingger ya panlukas na klaase diad saray kolehiyo.
Diad inpanliber na grupo na BFP Dagupan ed saray dormitoryo, abisto da so nibukbuknol ya kable na kuryente pati say kaandian na sarilin fire extinguishers.
Likod ed saya, anengneng met so kaandian na smoke detector o aparatus ya mangiiter na alarma ed saray nanaugip ya estudyante ya walay pool ed kulaan dan establisyemento.
Impaliwawa na BFP Dagupan, ya prayoridad da natan so pan-inspeksyon ed saray eskuwelaan tan aray dormitory piyan nasiguro so kaligtasan na saray estudyanten temporaryon manaayam dia.
Kaleganan tonya, impalapag na abitlan opisina ya no bilang walay violation na sakey ya establisemyento nakaokolan ya ma-clear iray problema o mangaway polaing piyan naiwasan day man multa.
