Patay ang isang rider ng motorsiklo matapos sumalpok sa likod ng truck na naglalaman ng mga naka usling kahoy sa provincial road ng barangay Papageyan, sa Binmaley,Pangasinan.
Kinilala ang biktima na si John Valdez, 29 anyos at residente ng barangay Paetan, San Carlos City.
Lumalabas sa imbestigasyon na sumusunod ang motorsiklo sa truck na walang tail lights at pinaniniwalaang medyo mabilis ang takbo nito.
Dahil sa lakas ng pagkakabangga ay natuhog pa ng kahoy ng halos isang metro ang katawan ng biktima.
Dinala pa sa ospital ang biktima subalit ito ay deneklarang dead on arrival.
Humihingi naman ng patawad sa pamilya ng biktima ang driber ng truck na si Reynaldo Morales, residente ng barangay Quintong, San Carlos City.
Ayon sa pulisya, nakapag-usap na ang pamilya ng biktima at ang driber ng truck at nauwi sa areglo ang insidente.
