Akagetar ya ipaeksamin diad Bureau of Immigration so apatiran Chinese nationals ya nalaan na P124 milyon ya kantidad na shabu diad ciudad na Urdaneta, Pangasinan.
Saya et kasumpalan ya adiskobre ya duwara ed saray dayuan ya intsik so nanusar na peke tan expired ya passport.
Onong ed kinen Pangasinan Police Provincial Office PPO Director Police Colonel Wilson Lopez, mibabali metla ed say gagaween ya imbistigasyon na PNP tan NBI so dapag na Bureau of Immigration o BI kontra ed apatiran narel ya chinese nationals.
Akabatan ya say pasaporte na sakey ed saray suspek ya si Ye Ling so ‘expired’ legan ya say sakey nin kaiba to so manuusar na peken passport.
Likod es saya, aantaen na Bureau of Immigration no panon akaloob diad bansa so asalita ran dayuan ta ilegal sp dokumento daranya.
Antaen da met no kapigan ut unaan ya linma diad bansa irayan Chinese Nationals tan no pigaran taon laran manaaayam diad Pilipinas.
