Hindi na umano pumapasok sa trabaho ang ilang mga POSO enforcer dito sa lungsod ng Dagupan.
Kinumpirma ni POSO chief Carlito Ocampo na nabawasan ang mga traffic enforcer sa kalsada, pero hindi sila tinanggal kundi sila na mismo ang hindi na pumasok sa kanilang trabaho matapos ang May 13, eleksyon.
Ang epekto ng hindi pagpasok ng mga traffic enforcer para magmando sa lagay ng trapiko sa mga pangunahing kalsada ay wala ng sumisita sa mga pasaway na motorista na lumalabag sa batas trapiko at nakakaranas din ng pagsikip ng trapiko lalo na sa pagsapit ng ala-5 ng hapon dahil uwian ng mga nagtratrabaho.
Nabatid na hanggang June 30, 2019 ang kontrata ng mga traffic enforcer.
PInaniniwalaang nangangamba silang hindi na ma irenew ang kanilang kontrata sa napipintong pagpapalit ng administrastyon.
