Love triangle so sakeya ya nenengnengen ya motibo na kapulisan ed inpanpatey ed say manka live in partner kasumpalan iran pinapaltog diad San Fabian, Pangasinan.
Diad eksklusibon impituyaw na Bombo Radyo Dagupan ed kinen Pol Major Melecio Mina hepe na San Fabian PNP, sakey iya ed say nenengnengen dan anggulo lautla parehon walay asawa iray biktima ya sikara di Patrocenio Malicdem tan Solna Parlan.
Likod ed anggulon love triangle nenengnengen da met ya motibo so road altercation lautla saray biktima so untotombok diad luluganan na suspek nen agawa so insedente.
Mangagawa natan iray otoridad na backtracking ed saray dinalan ya lugar na saray biktima piyan naantaan no awalaan na akakolkol dad dalan anted ya nagawa so impamaltog ed sikara.
Imuuna ed saya, saray biktima so manba-biyahe diaad karukuyan na San Fabian-San Jacinto road partikular diad Brgy Angio nen biglan tinmunda so totombokan dan duyaw ya kotse tan bigla labat iran pinapaltog ya sengeg na inateyan da.
