Patay ang isang rider matapos sumalpok sa nakaparadang truck sa gilid ng kalsada sa bayan ng Calasiao, Pangasinan.
Ayon sa nakuhang impormasyon, pauwi na sana sa kanilang bahay sa barangay Longos, Calasiao ang biktimang si William Gonzales nang sumalpok ang minamaneho niyang motorsiklo sa nakaparadang truck sa gilid ng national highway ng barangay San Miguel.
Galing ang biktima sa lungsod ng Dagupan kung saan siya nagtratrabaho.
--Ads--
Ayon sa pulisya, mabilis ang takbo ng sasakyan ng biktima at sa lakas ng impact ay natanggal ang suot niyang helmet dahilan ng kanyang pagkamatay.
Samantala, nag –usap at nagkaayos na sa himpilan ng pulisya ang kaanak ng biktima at driber ng truck kasama ang kinatawan ng kanilang kampanya.
