Dead on arrival sa pagamutan ang isang estudyante sa banggaan ng bus at motorsiklo dito sa syudad ng Dagupan.
Kinilala ang biktima na si Angela Rose Almonte, 19-anyos na residente ng Brgy. Mangin dito sa lungsod habang nakilala ang driver ng bus na si Solomon Soriano, 40-anyos na residente naman ng bayan ng Manaoag.
Sa imbestigasyon ng kapulisan, binabagtas ng dalawang sasakyan ang magkabilang direksyon nang aksidenteng bumangga ang motorsiklo sa kasalubong na bus.
--Ads--
Dinala pa sa pagamutan ang biktima ngunit hindi na umabot pa ng buhay sa ospital dahil sa pinsalang tinamo nito.
Posible namang maharap sa kasong reckless imprudence resulting to homicide and damage to property ang driver ng bus.
