PNP Pangasinan, apantaryaan la so pigaran posiblen balakid diad trabaho dad arapen ya eleksyon

Impasiguro na PNP Pangasinan, ya  apantaryaan da la so pigaran posiblen magmaliw ya balakid ed kakaarapen dan trabaho  ya walay koneksyon ed arapen ya eleksyon diad Mayo 13 partikular say pagmaliw  ya non–partisan  na  hanay da.

Saya so impasiguro diad exclusive interview na Bombo Radyo Dagupan, nen Police Capt. Ria Tacderan, say spokesperson na  Pangasinan Police Provincial Office.

Impaliwawa nen Tacderan, ya agga naekal ed trabaho da iray   risk o subok ed say paninindigan da  ya walay  koneksyon ed trabaho da lautla say agga pakapibiang ed  say panpanig da diad panaon na  eleksyon.

Saya so rason no akin  akanonot laray polaing  piyan naiwasan so unya ran problema ya ipapatonton na hanay da.